அறியாரோ?

நான் ஜீன்ஸ் அணிவது

அம்மாவுக்கு மட்டுமல்ல

அண்ணாவுக்கும் பிடிக்காது.

சேலை அணியச் சொல்லி

பல அறிவுரைகள் தினமும்.

சின்னச் சின்னச் சண்டைகள்

'ஆட்டக்காரி' என்று என் காதுபட

அயலாரின் முணுமுணுப்புக்கள்

...................

சேலை அணிந்து பயணிக்கையில்

'பிரா' வை,

 நழுவும் உட்பாவாடையை

சரி செய்யும்பொழுதுகளில்

நடுவில் தெரியும்

வயிற்றை மறைபதற்காய்

நான் முயலும் பொழுதுகளில்

 நான்படும் அவஸ்தைகளை 

மொய்க்கும் காமக்கண்களை

அம்மா அறியாளோ?

அண்ணாவும் அறியானோ?

அயலார் அறியாரோ?

_ தாரணி